A BIBLIOTECA TAMÉN SAE AO RECREO

 Hai tempo que queriamos facer esta entrada pero entre unhas cousas e outras ( xa sabedes que non paramos) nunca atopamos o momento.

 Neste curso, coincidindo coa semana do libro, puxemos en marcha o BIBLIOPATIO, cun carro da compra que nos deron no Froiz próximo ao cole, unha boa man de pintura do alumnado de quinto e sexto e unha decoración preciosa co noso Bunti, o BIBLIOPATIO sae polo recreo repartindo lecturas paraquen  queira, a soas ou en compañía, gozar de boas palabras e ilustracións.

A xestión está supervisada polos “asudantes de Biblio”, que sacan ao recreo o carro.  BIBLIOPATIO conten diferentes seccións con lecturas para toda Primaria e Infantil.

Hai un servicio de préstamo express. O  servizo  de préstamo faise rápido para rentabilizar ao máximo o curto período do recreo, posto que ademais de facer o préstamo, os alumnos e alumnas  que colleron  un liro b de Bibliopatio deberán devolvelo nos últimos cinco minutos do recreo. Para o curso vindeiro temos pensado argallar un aviso sonoro que recorde aos lectores/as que é hora de facer a devolución.