22 DE MARZO, DÍA MUNDIAL DA AUGA

Onte foi o día mundial da auga, e nós somos de celebralo todo, así que isto non podía ser menos.

Aproveitando "Poemar o mar" e " Versos de auga" do noso poeta Antonio García Teijiro, fixemos cousas como estas!!!

Aquí queda unha mostra...

 

AS NOSAS SECCIÓNS DO FONDO DO MAR

Isto é un non parar, o calendario apura e nos intentando seguirlle o ritmo... hoxe é o DÍA MUNDIAL DA AUGA, a nosa Biblio é auga, a nosa Biblio é mar, H2O, auga salgada..

As NOSAS SECCIÓNS están no fondo do mar, medusas, baleas, carangexos, tartarugas.. forman parte da organización espacial dos "Soños do pirata", e ademais de ensinarvos ao final do día os traballiños que estamos realizando polo Día mundial da auga, imos facervos a primeira entrega das nosas seccións!!!!

Agora xa sabemos a onde dirixirnos para atopar o libro máis adecuado á nosa idade, e as mascotiñas da Biblio axudarannos a non perdernos!!

Agardamos que vos gusten tanto como a nós!

PIRATAS POETAS

A POESÍA, este curso e eixe central nas nosas aulas, do noso PDI: POEMAR AO MAR traballámola dende moitas ou todas as nosas áreas curriculares, polo tanto onte 21 de marzo, foi O NOSO DÍA.

Fixemos unha homenaxe especial á poesía, ó noso poeta Antonio García Teijeiro, ao mar, aos caligramas, pictocaligramas, pasamos a ordenador, fixemos accesibles,recitamos, escribimos palabras poéticas... e un longo etc que non entraría nestas liñas!! pero como somos moi presumidos imos ensinar algún dos nosos traballos!!!!

21 DE MARZO DÍA DA POESÍA

O próximo 21 de marzo, conmemoramos o día da poesía, no noso cole este ano estamos traballando moito con ela, e nesta ocasión elaboramos uns caligramas preciosísimos!!!
Ademais dende o equipo de biblioteca fixemos unha selección dos libros de poesía para nenos máis estupendos que atopamos nos "Soños do pirata" e unha selección dos libros de Antonio García Teijeiro, sobre o  que estamos investigando moito!!!!!

8 DE MARZO

O calendario continúa o seu andar e xa está chamando á porta o 8 de marzo, Día Internacional da Muller, unha das datas claves para avanzar na educación para igualdade, na formación de cidadáns e cidadás na procura dunha sociedade máis xusta.  

Dende o cole, achegamos recursos e poñemos en marcha diversas actividades que permitan aos nenos e ás nenas coñecer o mundo no que viven, coñecer a presenza da muller nos distintos ámbitos do saber e nos distintos momentos da historia.

 E sobre todo, re-coñecer a importancia e a influencia do traballo da muller nos diferentes ámbitos sociais do mundo no que eles viven e medran.

Algúns exemplos das lecturas que durante esta semana se traballarán co noso alumnado!

Ademáis fixemos diferentes traballos de investigación cos que elaboramos unha preciosa exposición!